پاکستان نے ہمیشہ افغانستان سے برادر ملک کی طرح تعلقات رکھے ہیں،ہماری خواہش ہے کہ ایک اچھے ہمسائے اور بھائی کی طرح رہیں،میر ضیاء اللہ لانگو

کوئٹہ(ڈیلی گرین گوادر)بلوچستان کے وزیرداخلہ میرضیاء اللہ لانگو نے کہا ہے کہ پاکستان نے ہمیشہ افغانستان سے برادر ملک کی طرح تعلقات رکھے ہیں،ہماری خواہش ہے کہ ایک اچھے ہمسائے اور بھائی کی طرح رہیں۔سماجی رابطے کی ویب سائٹ ایکس پر اظہارخیال کرتے ہوئے وزیرداخلہ میرضیاء لانگو نے کہا کہ افغانستان کے حکمران بیرون طاقتوں کی مفادات کی خاطر ہمیشہ اپنے عوام اور ملک کو جنگ میں دھکیلتے ہیں،افغانستان کی حکومت دیگر ممالک کی مفادات اور دہشتگردی کی بجائے اپنے عوام کے مفادات اور خوشحالی کے لیے کام کرے۔انہوں نے کہا کہ گزشتہ پچیس سالوں سے افغانستان نے ہندوستان جیسے دہشتگرد ملک کے مفاد کے لئے افغانستان کے عوام کے مفاد کو پس پشت ڈالا۔