کراچی (ڈیلی گرین گوادر)پاک سرزمین پارٹی کے سربراہ مصطفیٰ کمال نے عمران فاروق قتل کیس سے متعلق بانی ایم کیو ایم پر انتہائی سنگین الزامات عائد کرتے ہوئے کہا ہے کہ عمران فاروق کا قتل بانی ایم کیو ایم کے کہنے پر کروایا گیا۔مصطفیٰ کمال کا کہنا تھا کہ عمران فاروق کو قتل کر کے بانی ایم کیو ایم کو سالگرہ کا تحفہ دیا گیا۔انہوں نے الزام لگایا کہ بانی ایم کیو ایم مگرمچھ کے آنسو بہاتے ہیں اور لاشوں پر آئٹم سونگ کرواتے رہے ہیں۔مصطفیٰ کمال کے مطابق عمران فاروق کے قتل کے بعد ان کے تکیے کے نیچے سے پانچ لاکھ پاؤنڈ برآمد ہوئے، جبکہ لاش پاکستان بھیجنے کے لیے بھی لاکھوں پاؤنڈ چندے کی صورت میں وصول کیے گئے۔مصطفیٰ کمال نے کہا کہ عمران فاروق کے اصل قاتلوں کو گرفتار کیا جانا چاہیے اور اس معاملے میں مزید پردہ پوشی ناقابل قبول ہے۔
عمران فاروق کو الطاف حسین نے قتل کروایا ` مصطفیٰ کمال

ٹیگز:
مصطفیٰ کمال
