پنجگور میں ٹریفک حادثہ دو افراد جھلس کر جاں بحق
پنجگور (ڈیلی گرین گوادر) پنجگور میں ٹریفک حادثہ دو افراد جھلس کر جاں بحق ہوگئے۔لیویز کے مطابق پروم عبداللہ بازار کلیری کے رہائشی دو افراد عبدالباسط ولد عید محمد اور مراد علی ولد علی بخش بارڈر سے پک اپ گاڑی میں تیل لیکر پنجگور شہر کی طرف آرہے تھے کہ گوارگو سنگائی قلات کے مقام پر انکی گاڑی ٹائر برسٹ ہونے کے باعث حادثے کا شکار ہوکر الٹ گئی جسکے بعد گاڑی میں آگ لگ گئی اور دونوں افراد آگ میں جھلس کر جان بحق ہوگئے بعد ازاں لیویز نے دونوں افراد کی جھلسی ہوئی میتوں کو ریکسیو کرکے مقامی ہسپتال پہنچایا جہاں شناخت کے بعد میتوں کو ورثا کے حوالے کردیا گیا۔
