اوتھل (ڈیلی گرین گوادر) اوتھل شہر میں بیٹے نے مبینہ طور پر اپنے باپ اور بھائی پر چھریوں سے حملہ کر کے انہیں شدید زخمی کر دیا۔دونوں زخمیوں کو کراچی ریفر کردیا گیا۔ملزم کا دماغی توزن درست نہیں تھا۔زرائع۔تفصیلات کے مطابق ریٹائرڈ سینئر ڈرگ انسپکٹر ملک مسعود پر ان کے بیٹے نے اچانک حملہ کر دیا۔ ملزم نے اپنے بھائی PPHI لسبیلہ کے سربراہ منصور مسعود کو بھی چھریوں کے وار کر کے شدید زخمی کر دیا۔ واقعے کے بعد دونوں زخمیوں کو فوری طور پر ابتدائی طبی امداد فراہم کی گئی، تاہم حالت تشویشناک ہونے کے باعث انہیں مزید علاج کے لیے کراچی منتقل کر دیا گیا۔ذرائع کے مطابق منصور مسعود کی حالت نازک بتائی جا رہی ہے واقعے کے بعد ملزم جائے وقوعہ سے فرار ہونے میں کامیاب ہو گیا۔جب کہ ذرائع کے مطابق ملزم کا ذہنی توازن درست نہیں تھا۔اوتھل پولیس نے مقدمہ درج کر کے ملزم کی گرفتاری کے لیے چھاپے مارنے شروع کر دیے ہیں۔ پولیس حکام کا کہنا ہے کہ ملزم کو جلد گرفتار کر لیاجائے گا۔
اوتھل شہر میں بیٹے نے مبینہ طور پر اپنے باپ اور بھائی پر چھریوں سے حملہ کر کے انہیں شدید زخمی کر دیا

ٹیگز:
اوتھل
