اوتھل : دو موٹر سائیکل لفٹرز گرفتار
اوتھل (ڈیلی گرین گوادر) ایس ایچ او اوتھل جان محمد جاموٹ کی کارروائی 7 گھنٹے کے اندر کیس ٹریس،دو موٹر سائیکل لفٹرز گرفتار، موٹر سائیکل برآمد، لسبیلہ پولیس کے ترجمان کی پریس ریلیز کے مطابق ایس ایس پی لسبیلہ کیپٹن (ر) نوید عالم کی خصوصی ہدایت پر اوتھل پولیس نے کامیاب کارروائی عمل لاتے ہوئے موٹر سائیکل چوری کے مقدمہ نمبر 35/2024 بجرم 381-اے،34 ت پ میں ملوث مطلوب موٹر سائیکل لفٹرز،دو ملزمان شفیع محمد ولد امام بخش اور امام الدین ولد خیر محمد ساکنان جماعت خانہ اوتھل کو علاقہ کی سخت ناکہ بندی کے بعد صرف 7 گھنٹے کے اندر گرفتار کرلیا اور چوری شدہ موٹر سائیکل ہنڈا CD-70 ماڈل 2017 بھی برآمد کرلی۔ واضح رہے کہ مدعی مقدمہ کھیمن داس سکنہ ہندو محلہ اوتھل نے تھانہ اوتھل میں رپورٹ دی تھی کہ وہ اپنی موٹر سائیکل گھر کے باہر کھڑی کرکے اندر چلاگیا۔ تھوڑی دیر بعد گھر سے باہر نکل کر دیکھا تو موٹر سائیکل کوغائب پایاجو نامعلوم چور چوری کرکے لے گئے ہیں۔اوتھل پولیس نے گرفتار ملزمان سے مزید تفتیش شروع کردی ہے۔
