اٹلانٹا: امریکی فضائیہ نے طویل فاصلے تک مار کرنے والے ایک بلیسٹک میزائل کا تجربہ کیا جو جوہری وار ہیڈ لے جانے کی صلاحیت رکھتا ہے۔اس میزائل کو کیلیفورنیا کے وانڈن برگ ایئر فورس بیس سے لانچ کیا گیا امریکی فضائیہ نے اپنے بیان میں کہا ہےکہ یہ تجربہ معمول کی سرگرمیوں کا حصہ ہے جس کا مقصد یہ ظاہر کرنا ہے کہ امریکا کا جوہری ڈیٹرنس محفوظ، قابل اعتماد اور 21ویں صدی کے خطرات سے نمٹنے کے لیے موثر ہے۔
377 ویں ٹیسٹ اسکواڈرن کے کمانڈر کرنل کرس کروز نے کہا، ’’ یہ ٹیسٹ امریکی عوام کی آزادی اور دنیا بھر میں ہمارے اتحادیوں کے لیے سلامتی کا سنگ بنیاد ہے۔‘‘ یہ ٹیسٹ لانچ ڈیٹرنس کے بارے میں واضح پیغام دیتا ہے۔مجھے اس مشن میں حصہ لینے والے پائلٹوں اور سپاہیوں کی پیشہ ورانہ مہارت پر سب سے زیادہ فخر ہے۔
پینٹاگون کے مطابق، امریکا نے ٹیسٹ سے پہلے مقرر کردہ طریقہ کار کے مطابق روس کو مطلع کیا تھا۔ امریکا نے ہیگ کے ضابطہ اخلاق کے مطابق پہلے سے لانچ کی اطلاع فراہم کی اور روسی حکومت کو موجودہ دوطرفہ تعلقات کے تحت پہلے سے مطلع کیا۔
