کوہلو،تیز رفتار گاڑی کی ٹکر سے باپ بیٹا شدید زخمی
کوہلو: کوئٹہ قومی شاہراہ میر چنگیز آباد کے قریب تیز رفتار گاڑی کے ٹکر سے باپ بیٹا شدید زخمی ہوگئے جنہیں ابتدائی طبی امداد کے بعد تشویشناک حالت میں پنجاب ریفر کردیا گیا پولیس کے مطابق کوہلو کوئٹہ قومی شاہراہ میر چنگیزآباد کے قریب تیز رفتار گاڑی نے مخالف سمت سے آنے والے موٹرسائیکل کو ٹکر ماردی جس سے موٹرسائیکل پر سوار دوافراد شدید زخمی ہوئے جنہیں فوری طور پر ڈی ایچ کیوہسپتال کوہلو منتقل کردیا گیا جہاں ابتدائی طبی امداد کے بعد زخمیوں کو تشویشناک حالت میں پنجاب ریفر کردیا گیا۔زخمیوں کے شناخت محمد رفیق اور محمد خیر کے نام سے ہوئی جو رشتے میں باپ بیٹا تھے۔ڈرائیور گاڑی سمیت موقع واردات سے فرار ہونے میں کامیاب ہوگیا۔
