اسلام آباد ` راولپنڈی سمیت ملک کے مختلف علاقوں میں زلزلے کے جھٹکے

اسلام آباد (ڈیلی گرین گوادر) وفاقی دارالحکومت اسلام آباد اور راولپنڈی سمیت ملک کے مختلف علاقوں میں زلزلے کے جھٹکے محسوس کیے گئے ہیں۔زلزلے کے جھٹکے خیبرپختونخوا کے دارالحکومت پشاور سمیت مردان اور دیگر شہروں میں بھی محسوس کیے گئے، جبکہ لاہور، مری اور مظفرآباد سمیت دیگر شہروں میں بھی زلزلہ آیا۔پی ڈی ایم اے کے مطابق ریکٹر اسکیل پر زلزلے کی شدت 5.5 ریکارڈ کی گئی ہے، اور مرکز ہندوکش ریجن افغانستان میں تھا۔زلزلے کے باعث لوگ گھروں اور دفاتر سے باہر نکل آئے اور کلمہ طیبہ کا ورد کرتے رہے۔ ابھی تک کسی بھی علاقے سے زلزلے کے باعث کسی جانی یا مالی نقصان کی کوئی اطلاع موصول نہیں ہوئی۔