بلوچستان: 35 اضلاع میں انسدادِ پولیو مہم اختتام پزیر

کوئٹہ(ڈیلی گرین گوادر)کوئٹہ سمیت بلوچستان کے 35 اضلاع میں انسدادِ پولیو مہم اختتام پزیر ہو گئی۔ایمرجینسی آپریشن سینٹر کے مطابق بلوچستان کے مختلف اضلاع میں انسدادِ پولیو مہم 7 روز جاری رہی جو گزشتہ روز اختتام پزیر ہو گئی، تاہم مستونگ میں آج اور کل انسدادِ پولیو مہم جاری رہے گی۔پشین کی 3 یونین کونسلوں میں بھی آج انسداد پولیو مہم جاری رہے گی۔صوبے میں انسداد پولیو مہم کا مجموعی طور پر 98 فیصد ہدف حاصل کر لیا گیا۔