تربت، نامعلوم مسلح افراد کی فائرنگ کے نتیجے میں 2 افراد جاں بحق
کوئٹہ(ڈیلی گرین گوادر) تربت میں نامعلوم مسلح افراد کی فائرنگ کے نتیجے میں دو افراد جاں بحق ہوگئے۔پولیس کے مطابق ضلع کیچ کے علاقے تربت میں چاہ سرکراس کے مقام پر نامعلوم مسلح افراد نے دو افراد پر اندھادھند فائرنگ کردی جس کے نتیجے میں وہ موقع پر ہی جاں بحق ہوگئے،دونوں افراد کی میتیں ٹیچنگ ہسپتال تربت منتقل کردی گئیں جبکہ حملہ آور موقع سے فرار ہوگئے،پولیس کے مطابق جاں بحق ہونے والوں کی شناخت کراچی کے رہائشیوں نعیم اور نور الہیٰ کے ناموں سے ہوئی ہے جو کوشک میں کارواش کا کام کرتے تھے۔ پولیس واقعہ کی تحقیقات کر رہی ہے
