گوادر میں گرج چمک کے ساتھ تیز بارش کا سلسلہ جا ری رہا

گوادر (ڈیلی گرین گوادر) گوادر بھر میں گرج چمک کے ساتھ تیز بارش کا سلسلہ جا ری رہا۔ محکمہ موسمیات کے مطابق گوادر کے تحصیل پسنی میں 40.0 ملی میٹر بارش ریکار ڈ کی گئی، شہر میں سیوریج کا بہتر نظام نہ ہونے کی وجہ سے بازار و گلیاں تالاب کا منظر پیش کرنے لگے۔تفصیلات کے مطابق بدھ کوگوادر، پسنی، اورمارہ اور جیونی میں گرج چمک کے ساتھ تیز بارش کا سلسلہ جا ری رہا، محکمہ موسمیات کے مطابق پسنی میں 40.0 ملی میٹر بارش ریکارڈ کی گئی جبکہ پسنی شہر میں سیوریج نظام نہ ہونے کی وجہ سے بازار و گلی محلے تالاب کا منظر پیش کرنے لگے۔علاوہ ازیں اورماڑہ میں 8.0 ملی میٹر، جیونی میں 9.0 ملی میٹر جبکہ گوادر میں 1.5 ملی میٹر بارش ریکارڈ کی گئی۔