کوئٹہ،طوفانی بارشوں کے باعث چھتیں اور دیواریں گرنے سے 7 افراد جاں بحق ،متعدد زخمی

کوئٹہ (ڈیلی گرین گوادر) بلوچستان میں بارشوں کا سلسلہ جاری ہے جہاں کوئٹہ میں طوفانی بارشوں کے باعث مختلف علاقوں میں چھتیں اور دیواریںگرنے کے واقعات میںتین خواتین سمیت 7 افراد جاں بحق جبکہ 20 زخمی ہو گئے۔ خبر کے مطابق صوبائی دارالحکومت کوئٹہ میں طوفانی بارشوں سے درجنوں کچے مکانات کو نقصان پہنچا ، بارشوں سے نشیبی علاقے زیر آب آگئے ، سریاب میں چھتیں اور دیواریں گرنے کے مختلف واقعات میں3 خواتین سمیت 6 افراد جاں بحق ہوئے، مشرقی بائی پاس کے علاقے میں ڈیم کے قریب دو بچسیاں برساتی پانی میں بہہ گئیں۔ نالہ لئی میں پانی کی سطح میں اضافہ ہونے لگا ،کٹاریاں کے مقام پر 6 فٹ، گوالمنڈی کے مقام پر 4 فٹ تک پہنچ گیا ،حادثات میں 20 سے زیادہ افراد زخمی بھی ہوئے۔ دوسری جانب کوئٹہ میں ضلعی انتظامیہ اور ریسکیو ٹیمیں کی جانب سے امدادی کارروائیاں جاری ہیں۔ادھر گلی گوہر آباد میں بارش سے 40 خاندان متاثر ہوئے۔