ہمارے ملک کی مجموعی ثقافت میں پیاراوربھائی چارے کے خوبصورت رنگوں کی آمیزش شامل ہے، میرعبدالقدوس بزنجو

کوئٹہ (ڈیلی گرین گوادر)وزیراعلیٰ بلوچستان میر عبدالقدوس بزنجو نے کہا ہے کہ پنجاب کی ثقافت اور روایات کے رنگ دل آویز ہیں ثقافت اور روایات کو یاد رکھنا زندہ دلی کی علامت ہے یہ بات انہوں نے پنجاب کے ثقافتی دن پر اپنے ایک پیغام میں کہی، وزیراعلیٰ میر عبدالقدوس بزنجو نے کہا کہ میں پنجاب کے ثقافتی دن پر اپنی اور بلوچستان کے عوام کی جانب سے اہل پنجاب کو دلی مبارکباد پیش کرتا ہوں ثقافتی تہوار ہر علاقے کی پہچان اور انفرادیت کو ظاہر کرتے ہیں ثقافت سے جڑی رہنے والی قومیں ہی آگے بڑھتی انہوں نے کہا کہ کلچرل ڈے منانے کا مقصد محبت، بھائی چارے اور یگانگت کو عام کرنا ہے ہمارے ملک کی مجموعی ثقافت میں محبت،پیار،خلوص اوربھائی چارے کے خوبصورت رنگوں کی آمیزش شامل ہے