قلات پولیس کی دو مختلف کارروائیوں میں منشیات اور اسلحہ برآمد،دو ملزمان گرفتار

قلات(ڈیلی گرین گوادر) قلات پولیس نے دو مختلف کاروائیوں میں منشیات اور اسلحہ برآمد کرکے دو ملزمان کوگرفتار کر لیا،پو لیس کے مطابق انسپکٹر جنرل آف بلوچستان محمد طاہر رائے،ڈی آئی جی قلات رینج محمد سلمان علی خان کی خصوصی ہدایت پرایس پی قلات عبدلرؤف بڑیچ کی نگرانی میں سی آئی آئے اور پو لیس نے دو الگ الگ کاروائیوں میں دو ملزمان عبدالغفور ولد عبدالمجید قوم دہوار سکنہ مغلزئی قلات اور ملزم محمد عمران ولدحاجی بادین قوم مینگل سکنہ مغلزئی قلات کو گرفتار کر کے ان کے قبضے سے چرس و شیشہ اور اسلحہ برآمد کر لیا ہے، پولیس نے ملزمان کے خلاف الگ الگ مقدمات درج کرکے تفتیش شروع کردی ہے۔