کیچ اورسوئی میں سیکورٹی فورسزکے شہادتوں پرپاکستانی قوم کو صدمہ پہنچا ہے، محمد خان اتمان خیل

لورالائی(ڈیلی گرین گوادر) بلوچستان عوامی پارٹی کے مرکزی رہنماء پارلیمانی سیکرٹری صنعت و حرفت حاجی محمد خان طور اتمان خیل نے کیچ میں سیکورٹی فورسزکے دس اہلکاروں اور سوئی میں بارودی سرنگ دھماکے میں چار لیویز اہلکاروں کے شہادتوں پر گہرے دکھ کا اظہار کرتے ہوئے کہا کہ قیمتی جانوں کے ضیاع پر مجھ سمیت پورے پاکستانی قوم کو صدمہ پہنچا ہے۔ یہ بات انہوں نے اپنے ایک بیان میں کہی۔ انہوں نے کہا کہ سیکیورٹی فورسز پر بزدلانا حملوں سے ہمارے دہشت گردی کے خلاف عزم کو کسی صورت کمزور نہیں کیا جاسکتا بلکہ ہم ہمارا عزم مزید پختہ ہوتا ہے انہوں نے آرم چیف قمر جاوید باجواہ کا دورہ تربت سے ہمارے فورسز کے ارادے مزید مظبوط ہوگئے انہوں نے کہا کہ یہ سارا گیم سی پیک کے خلاف ہو رہا ہے جسکو کسی صورت کامیاب نہیں ہونے دینگے انہوں نے کہا کہ چین ہمارا نہایت ہی اچھا دوست ہے وہ ہمارے ملک کی ترقی کیلئے دن رات کوشاں ہیں سی پیک سمیت دیگر میگا پروجیکٹس میں چینی ماہرین کے کردار اور کوششوں کو ہم قدر کی نگاہ سے دیکھتے ہیں انہوں نے کہا کہ پاکستان اور چین کے حکومت مل جل کر سی پیک کی کامیابی کیلئے کام کرینگے انہوں نے کہا کہ بھارت چین اور پاکستان کا مشترکہ دشمن ہے وہ نہیں چاہتا کہ سی پیک کا منصوبہ پائے تکمیل کو پہنچے انہوں نے کہا کہ ماضی میں بھارت افغانستان سے بھی ہمارے ملک کے خلاف تخریبی کاروائیاں کررہا تھا بھارتی جاسوس کھلبوشن یادیو نے گرفتاری کے بعد یہ اقرار کیا تھا کہ انہوں نے بھی افغان سر زمین کا استعمال کیا تھا انہوں نے کہا کہ اس سے قبل دہشت گردوں نے داسو ڈیم میں چینی انجیئرز کو نشانہ بنایا لیکن چین نے سنجیدگی کا مظاہرہ کرتے ہوئے صبر وتحمل کا عمل مظاہرہ کرتے ہوئے کام کو بند نہیں کیا اور تحقیقات میں بھر پور تعاون کیا انہوں نے کہا کہ اس طرع کے واقعات ہمارے ترقیاتی منصوبوں اور باہمی تعلقات میں خرابی کا باعث کسی صورت نہیں بنے گا چین سمجھتا ہے کہ پاکستان اسکا گہرا دوست ہے انہوں نے کہا کہ اگر تحقیقات میں کوئی تخریبی عنصر شامل ہوا تو ہم دونوں ممالک اسکے خلاف سخت کاروائی کرینگے انہوں نے کہا کہ چین نے ہمیشہ کشمیر سمیت دیگر عالمی ایشوز پر پاکستان کا کھل کر حمایت کی ہے ہماری دوستی کے ٹو پہاڑ سے بھی زیادہ گہری اور بلند ہے انہوں نے کہا کہ میں پاکستانی اہلکاروں کی شہادت پر انکے لواحقین سے دلی تعزیت کرتا ہوں۔