میرعبدالقدوس بزنجو کا موسمیاتی الرٹ پرمتعلقہ محکموں کو ہنگامی صورتحال سے نمٹنے کیلئے تیاررہنے کی ہدایت

کوئٹہ (ڈیلی گرین گوادر) وزیراعلیٰ بلوچستان میر عبدالقدوس بزنجو نے موسمیاتی الرٹ پر متعلقہ محکموں اور اداروں کو کسی بھی ہنگامی صورتحال سے نمٹنے کیلئے تیار رہنے کی ہدایت کرتے ہوئے احکامات دئیے ہیں کہ کوئٹہ، قلات، زیارت، قلعہ سیف اللہ اورچمن میں امدادی سامان کی دستیابی یقینی بنائی جائے بلکہ متعلقہ اضلاع میں قومی شاہراہوں پر بھاری مشنری موجود اور عملہ تعینات رہے۔گزشتہ روز موسم کے حوالے سے این ڈی ایم اے کے جاری الرٹ پر وزیراعلی نے ہدایات جاری کر دیں وزیراعلی میر عبدالقدوس بزنجو کی جانب سے متعلقہ محکموں اور اداروں کو فوری الرٹ رہنے کے احکامات جاری انہوں نے کہاکہ پی ڈی ایم اے اور متعلقہ اضلاع کی انتظامیہ متوقع برف باری اور بارش سے پیدا صورتحال سے نمٹنے کے لیئے تیار رہیں کوئٹہ، قلات، زیارت، قلعہ سیف اللہ اورچمن میں امدادی سامان کی دستیابی یقینی بنائی جائے متعلقہ اضلاع میں قومی شاہراہوں پر بھاری مشنری موجود اور عملہ تعینات رہے متوقع برف باری کی صورت میں شاہراہوں پر ٹریفک رواں دواں رکھنے کے لئے اقدامات یقینی بنائے جائیں وزیراعلی بلوچستان نے محکمہ پی ڈی ایم اے کو صورتحال کی نگرانی کے لئے صوبائی اور ضلعی سطح پر کنٹرول روم قائم کرنے کی ہدایت کی۔