گڈانی، کے ساحل سمند ر پر پہاڑ سے ایک شخص سمندر میں گرکر جاں بحق

اوتھل (گرین گوادرنیوز) گڈانی کے ساحل سمندر پر پہاڑ سے ایک شخص سمندر میں گرکر جاں بحق،جب کہ حب ہائٹ کے ایک تالاب سے ایک پرانی لاش برآمد، سمندر میں ڈوبنے والے شخص کی لاش گڈانی بریک واٹر سے برآمد، تفصیلات کے مطابق گڈانی اور حب میں ڈوب کر دو افراد جاں بحق ہوگئے۔ ایدھی زرائع سے معلوم ہوا ہے کہ ضلع لسبیلہ کے ساحلی علاقے گڈانی کے پہاڑ سے گر کر ایک شخص لاپتہ ہوگیا تھا جس کی لاش بعد ازاں گڈانی بریک واٹر سے ملی۔ایدھی زرائع کے مطابق پہاڑ سے سمندر میں گر کر ڈوبنے والے شخص کا نام عابد علی ولد شیر محمد اور اس کا تعلق کراچی کے علاقے بلدیہ اتحاد ٹاؤن سے ہے۔متوفی کراچی سے پکنک منانے گڈانی آیا تھا اور اچانک پہاڑ سے سمندر میں گرکر اپنی جان سے ہاتھ دھو بیٹھا۔گڈانی پولیس نے ضروری کاروائی کے بعد لاش ورثاء کے حوالے کردی۔جب کہ حب کے صنعتی علاقے کے ایک تالاب سے ایک شخص کی پرانی لاش ملی جس کی شناخت نہ ہوسکی۔