پاکستان پیپلز پارٹی خواتین ونگ بلوچستان کی سیکرٹری اطلاعات کرن بلوچ کی جانب سے کوئٹہ کلب میں عید ملن پارٹی کا اہتمام کیا گیا

کوئٹہ(ڈیلی گرین گوا در) پاکستان پیپلز پارٹی خواتین ونگ بلوچستان کی سیکرٹری اطلاعات کرن بلوچ کی جانب سے کوئٹہ کلب میں عید ملن پارٹی کا اہتمام کیا گیا جس میں پارٹی کے صوبائی جنرل سیکرٹری روزی خان کاکڑ، ملک حمید،قاسم اچکزئی، ویمن ونگ بلوچستان کی صدر محترمہ غزالہ گولہ، زرینہ زہری، ثناء درانی، مہ جبین جمالی، زمر خواجہ خیل اور دیگر عہدیداروں نے شرکت کی۔اس موقع پر کرن بلوچ نے سیکرٹری اطلاعات مقرر کرنے پر پارٹی قیادت کا شکریہ ادا کیا اور اس عزم۔کا اظہار کیا کہ وہ پارٹی منشور کو آگے بڑھانے اور اس کا پیغام عام کرنے کیلئے اپنی تمام صلاحیتیں بروئے کار لائیں گی اور قیادت نے جس اعتماد کا اظہار کیا ہے اس پر پورا اترنے کیلئے ہر ممکن کوشش کرینگی۔