کچلاک میں نامعلوم مسلح دہشت گردوں کی سیکورٹی فورسز کی چیک پوسٹ پرفائرنگ سے 2سیکورٹی اہلکار زخمی جبکہ جوابی کارروائی میں 2دہشت گرد ہلاک ہوگئے

کوئٹہ(ڈیلی گرین گوادر) کچلاک میں نامعلوم مسلح دہشت گردوں کی سیکورٹی فورسز کی چیک پوسٹ پرفائرنگ سے 2سیکورٹی اہلکار زخمی جبکہ جوابی کارروائی میں 2دہشت گرد ہلاک ہوگئے۔سیکورٹی فورسز کے ذرائع نے بتایاکہ جمعرات کو کچلاک بائی پاس پر واقع سیکورٹی فورسز کی چیک پوسٹ پر دہشت گردوں نے اچانک فائرنگ شروع کردی جس کے نتیجے میں 2ایف سی اہلکار زخمی ہوگئے جبکہ سیکورٹی فورسز کی بروقت جوابی کارروائی کے نتیجے میں دونوں حملہ آور ہلاک ہوگئے۔سیکورٹی فورسز نے نعشوں اورزخمیوں کو ہسپتال پہنچادیاجبکہ ہلاک ہونے والے دہشتگردوں کے قبضے سے اسلحہ قبضے میں لے لیا گیا۔