کور کمانڈر بلوچستان لیفٹیننٹ جنرل راحت نسیم احمد خان کی نیشنل پارٹی رہنما حاجی صالح محمد بلوچ سے تعزیتی ملاقات

پنجگور (ڈیلی گرین گوادر) کور کمانڈر بلوچستان لیفٹیننٹ جنرل راحت نسیم احمد خان نے نیشنل پارٹی کے مرکزی رہنما حاجی صالح محمد بلوچ کی رہائشگاہ کا دورہ کیا اور ان کے نوجوان بیٹے شہید ولید صالح بلوچ کی شہادت پر دلی رنج و غم کا اظہار کیا۔ کور کمانڈر نے مرحوم کے والد سے تعزیت کی اور اہل خانہ کے ساتھ ہمدردی کا اظہار کیا۔ملاقات کے دوران آئی جی ایف سی بلال صاحب اور کمانڈنٹ پنجگور رائفلز ظفر صاحب بھی کور کمانڈر کے ہمراہ موجود تھے۔ اس موقع پر نیشنل پارٹی پنجگور کے رہنما بھی موجود تھے، جن میں ضلعی صدر حاجی محمد ایوب بلوچ، ضلعی جنرل سیکریٹری واجہ صدیق بلوچ، ضلعی انفارمیشن سیکریٹری زاہد حسین بلوچ، تحصیل نائب صدر عبدالطیف بلوچ، سینئر رہنما الطاف حسین بلوچ، میر عبدالباسط بلوچ، واجہ عبدالقادر بلوچ، شبیر یاسین بلوچ، بالاچ قادر بلوچ اور عارف دوست بلوچ شامل تھے۔پارٹی رہنماں نے کور کمانڈر کے تعزیتی اظہار پر ان کا شکریہ ادا کیا۔