یوکرین سے جنگ بندی کیلئے ولادیمیر پیوٹن نے امریکی امن منصوبے کی حمایت کر دی

روس کے صدر ولادیمیر پیوٹن نے یوکرین سے جنگ بندی کیلئے امریکی امن منصوبے کی حمایت کر دی۔انہوں نے تصدیق کی کہ اس منصوبے میں روس کے کئی اہم مطالبات کو شامل کیا گیا ہے، ان کا کہنا تھا کہ یوکرین کی جانب سے معاہدے کو مسترد کئے جانے کی صورت میں وہ مزید علاقوں پر قبضہ کرسکتے ہیں۔روسی صدر نے خبردار کرتے ہوئے کہا کہ جیسے حال ہی میں یوکرین کے علاقے کیپیانسک پر قبضہ کیا ایسا دیگر اہم علاقوں پر بھی کیا جا سکتا ہے۔پیوٹن نے کہا کہ امریکی دستاویز میں کچھ ایسی شقیں شامل ہیں جن پر بات چیت ہو سکتی ہے، پیوٹن نے ولادیمیر زیلنسکی کو پیغام دیتے ہوئے کہا کہ امریکا کی جانب سے 28 نکاتی امن منصوبہ یوکرین کیلئے حتمی امن معاہدے کی بنیاد بن سکتا ہے۔