کوئٹہ(ڈیلی گرین گوادر) سیکرٹری صحت بلوچستان عبداللہ خان کی زیر صدارت سرمائی سیشن جنوری، 2024 کے لئے اسٹیئرنگ کمیٹی کااجلاس منعقد ہوا۔اجلاس میں کونسلر،ریجنل ڈائریکٹر CPSP بلوچستان پروفیسر ڈاکٹر عائشہ صدیقہ، پرنسپل بولان میڈیکل کالج کوئٹہ پروفیسر ڈاکٹر راز محمد کاکڑ، سربراہ میڈیسن ڈیپارٹمنٹ پروفیسر ڈاکٹر خالد شاہ، ڈین پوسٹ گریجویٹ میڈیکل انسٹی ٹیوٹ کوئٹہ پروفیسر ڈاکٹر نور محمد کھوسہ، پرنسپل جھالاوان میڈیکل کالج خضدار پروفیسر ڈاکٹر عبدالصمد گچکی، سربراہ پروفیسر ڈاکٹر عاصمہ اپل ہیڈ آف اورل اینڈ میکسیلو فیشل سرجری BMC کوئٹہ، سربراہ شعبہ پلمونولوجی ایف جے ہسپتال پروفیسر ڈاکٹر شیرین خان، سربراہ ریڈیولوجی ڈیپارٹمنٹ بی ایم سی کوئٹہ پروفیسر ڈاکٹر اشرف علی اچکزئی، سربراہ سرجری ڈیپارٹمنٹ بی ایم سی کوئٹہ پروفیسر ڈاکٹر شعیب احمد قریشی، سربراہ شعبہ گائنی اینڈ اوبس بی ایم سی پروفیسر ڈاکٹرعظمیٰ سہیل، ایڈیشنل سیکرٹری محکمہ صحت عتیق اللہ خان، ایڈیشنل سیکرٹری محکمہ صحت حمید زھری، پروفیسر تہمینہ اسد کونسل ممبر پی ایم اینڈ ڈی سی، ڈپٹی ڈین پوسٹ گریجویٹ میڈیکل انسٹی ٹیوٹ کوئٹہ پروفیسر ڈاکٹر سرجن ادریس، رجسٹرار پوسٹ گریجویٹ میڈیکل انسٹی ٹیوٹ کوئٹہ سرجن اقبال جعفر، ایڈیشنل ڈائریکٹر پی جی ایم آئی ڈاکٹر میر عبدالقادر، پی جی میڈیکل آفیسر ڈاکٹر کلیم اللہ کاکڑ نے شرکت کی۔اجلاس میں جنوری2024 کے سرمائی سیشن کے لیے پی جی داخلہ، ڈیپوٹیشن کیسز، میرٹ اسکورنگ کے معیار میں اور وظیفہ کو حتمی شکل دی گئی۔سیکرٹری صحت عبداللہ خان نے کہا کہ محکمہ صحت بلوچستان کے ٹریڑری اور خصوصی تدریسی ہسپتالوں میں صحت کی دیکھ بھال کی خدمات کے معیار کو قومی اور بین الاقوامی معیار کے مطابق بلند کرے گی۔انہوں نے کہا کہ بلوچستان کے تمام تدریسی ہسپتالوں میں صحت کی دیکھ بھال کے نظام کے تینوں ستونوں، ہسپتالوں، طبی تعلیم اور صحت کی دیکھ بھال کے معیار کو بہتر بنانے کا ایک مسلسل عمل شروع کرنا، ان کو فعال کرنا اور مضبوط کرنا ہوگا۔سیکرٹری صحت نے کہا کہ محکمہ صحت حکومت بلوچستان اور پی جی ایم آئی کوئٹہ کو ماہر ڈاکٹروں کی اہلیت کے مطابق یکساں معیار برقرار رکھنا ہوگاریزیڈنٹ پی جی کی تربیت کی اجازت خصوصی پروگراموں میں دی جائے گی۔انہوں نے کہا کہ تدریسی ادارے/ٹیچنگ ہسپتال کو جدید طب اور موجودہ بنیادی طبی علوم کی مشق پر مبنی ساختی عملی/طبی تربیتی پروگرام کے انعقاد کے لیے مناسب طریقے سے منظم کیا جائے گا، اسے علمی ماحول فراہم کیا جاے گا۔انہوں نے کہا کہ طبی تعلیم اورمریض کی نگہداشت دونوں شعبوں میں بہترین کارکردگی کا پابند ہونا چاہیے احتساب وتربیت کے ذریعے محکمہ صحت نے ایک آزاد مانیٹرنگ سسٹم شروع کیا ہے۔انہوں نے کہا کہ صحت سے متعلق ہمیں جدت اور نئی ٹیکنالوجیز کو اپنانے کی ضرورت ہے، تیز رفتار دور میں ہم صرف روایتی طریقوں اور طریقوں پر انحصار نہیں کر سکتے، انہوں نے کہا کہ امید ہے آج کی اجلاس میں صحت کے شعبے کو بہتر بنانے کیلئے تمام اسٹیک ہولڈرز کے درمیان ہم آہنگی پیدا کرنے کیلئے اہم پلیٹ فارم ثابت ہوگا،بلوچستان میں شعبہ طب سے متعلق موثر قانون سازی اور اصلاحاتی اقدامات اٹھائے جارہے ہیں۔
بلوچستان میں شعبہ طب سے متعلق موثر قانون سازی اور اصلاحاتی اقدامات اٹھائے جارہے ہیں، عبداللہ خان

ٹیگز:
عبداللہ خان
