ماحولیاتی تبدیلی پاکستان اوردیگر ترقی پزیرممالک کے لیے بہت بڑا چیلنج ہے، میرعبدالقدوس بزنجو

کوئٹہ(ڈیلی گرین گوادر)وزیراعلیٰ بلوچستان میر عبدالقدوس بزنجو نے اپنے ایک ٹوئٹ میں مصر کے شہر شرم الشیخ میں عالمی ماحولیاتی کانفرنس کے انعقاد کا خیر مقدم کرتے ہوئے کہا ہے کہ ماحولیاتی تبدیلی پاکستان اور دیگر ترقی پزیر ممالک کے لیے بہت بڑا چیلنج ہے جسکاسامنا ہم نے حال ہی میں بلوچستان اور سندھ میں سیلاب کی تباہ کاریوں کی صورت میں کیا ہے جس میں وسیع پیمانے پر جانی و مالی نقصانات ہوئے وزیراعلیٰ نے کہا ہے کہ مصر میں عالمی ماحولیاتی کانفرنس کے انعقاد کا خیرمقدم کرتے ہیں امید ہے کہ کانفرنس کی سفارشات پر عملدرآمد کے مثبت نتائج برآمد ہونگے اور ترقی یافتہ ممالک اس حوالے سے اپنی زمہ داری پوری کرینگے۔