آرمی چیف جنرل قمر جاوید باجوہ سے جاپانی سفیر واڈا متسو ہیرو کی ملاقات سیلاب کی تباہ کاریوں پر دُکھ کا اِظہار
راولپنڈی: جاپانی سفیر واڈا متسو ہیرو نے آرمی چیف جنرل قمر جاوید باجوہ سے جی ایچ کیو میں ملاقات کی۔ جاپانی سفیر واڈا متسو ہیرو نے پاکستان میں سیلاب کی تباہ کاریوں پر دُکھ کا اِظہار کیا اور سیلاب متاثرین کے اہلِ خانہ سے دلی تعزیت کی۔آئی ایس پی آر کے مطابق ملاقات میں باہمی دلچسپی، علاقائی سلامتی کی صورتحال اور انسانی ہمدردی کے تحت تعاون پر گفتگو ہوئی۔جاپانی سفیر نے پاکستانی عوام کو مکمل تعاون کی پیشکش کی، سیلاب متاثرہ علاقوں میں بچاؤ، امدادی ریلیف کے لیے سول انتظامیہ کی مدد پر پاک فوج کے کردار کو سراہا۔
آرمی چیف جنرل قمر جاوید باجوہ نے جاپان کی حمایت کا شکریہ ادا کیا، انہوں نے کہا کہ عالمی شراکت داروں کی مدد متاثرین کی بحالی میں اہم ہوگی۔
