اوستہ محمد میں نامعلوم افراد کی فائرنگ ایک شخص زخمی
اوستہ محمد (ڈیلی گرین گوادر)اوستہ محمد شہر کے گنجان ترین علاقہ تحصیل روڈ پر شاہین بیکری کے قریب موٹر سائیکل سوار دو نامعلوم مسلح افراد نے حب پریس کلب کے سینئر صحافی ارشاد سولنگی کے بھائی محمد آصف سولنگی پر جدید اسلحہ سے فائرنگ کر دی فائرنگ کے نتیجے میں محمد آصف سولنگی شدید زخمی ہوگئے پولیس نے دو ملزمان کو اسلحہ سمیت گرفتار کرلیا واقعے کی اطلاع ملتے ہیں ایس ایچ او سٹی طالب حسین لاشاری بھاری پولیس نفری کے ہمراہ موقع پر پہنچ کر زخمیوں کو فوری طور پر طبی امداد دینے کے لئے تحصیل ہیڈ کوارٹر اسپتال اوستہ محمد پہنچایا جہاں پر ڈاکٹروں نے طبی امداد دینے کے بعد مزید علاج معالجہ کے لئے لاڑکانہ سندھ سے فارغ کر دیا گیا جب کہ ملزمان کی گرفتاری کے لیے شہر کے تمام داخلی و خارجی راستوں پر سیکورٹی ہائی الرٹ کر کے چیکنگ سخت کر دی گئی پولیس ذرائع کے مطابق فائرنگ میں ملوث 2 ملزمان کو اسلحہ سمیت خان پور کے مقام پر گرفتار کرلیا ہے مزید کاروائی مقامی پولیس کر رہی ہے واقعے کی اطلاع ملتے ہیں پریس کلب اوستہ محمد کے صدر محمد حنیف بلوچ،نائب صدر حارث خواجہ جنرل سیکریٹری علی حسن ڈومکی،جوائنٹ سیکریٹری لونگ جمالی سابق صدر علی مردان جمالی سابق چیئرمین محمد حنیف مینگل و دیگر صحافیوں نے واقعے کی مذمت کرتے ہوئے حب پریس کلب کے سینئر صحافی ارشاد سولنگی کے ساتھ اظہار ہمدردی کی۔
