کوہلو،ژالہ باری سے کپاس،مرچ،ٹماٹر کی فصلیں تباہ،سیلابی ریلےمیں نوجوان بہہ کرجاں بحق

کوہلو:کوہلو اور بارکھان میں گزشتہ روز موسلادھار بارش سے نشیبی علاقے زیر آب آگئے جبکہ ہن ندی میں پکنک منانے کے دوران اچانک سیلابی ریلے کی زد میں آکرعثمان نامی 23سالہ نوجوان جاں بحق ہوگیا کوہلو میں سینجاڑ،لاسے زائی،ملک زائی اور جاندران میں موسلادھار بارش کے دوران ژالہ باری سے کپاس،مرچ،ٹماٹر سمیت موسم خریف کی فصلیں تباہ ہوگئی ہیں جس کی وجہ سے کسانوں کو لاکھوں روپے کے نقصانات کا خدشہ ہے۔