سمجھاتے سمجھاتے تھک گئے معاملہ اب ہمارے ہاتھ سے نکل چکا ہے،آپ سب نے بنگلہ دیش سے سبق نہیں سیکھا؟سرداراخترجان مینگل

کوئٹہ(ڈیلی گرین گوادر)بلوچستان نیشنل پارٹی کے سربراہ سرداراخترجان مینگل نے کہاہے کہ سمجھاتے سمجھاتے تھک گئے معاملہ اب ہمارے ہاتھ سے نکل چکا ہے آپ سب نے بنگلہ دیش سے سبق نہیں سیکھا؟ آپ رشتے کو مزید خراب کر رہے ہیں۔ خدا کے لیے عقل کے ناخن لیں طاقت کا استعمال اس طرح کی حرکتوں کو کبھی نہیں روکے گا، آج بلوچستان میں سب کو مل کر آواز اٹھانی چاہیے۔ یہ وقت اتحاد کاہے۔ان خیالات کااظہار انہوں نے سماجی رابطے کی ویب سائٹ ٹویٹر(ایکس) پر اپنے پیغام میں کیا۔سرداراخترجان مینگل نے ڈاکٹرماہ رنگ بلوچ ودیگر احتجاجی شرکاء کی فوری رہائی کامطالبہ کیااور کہاکہ انہیں سمجھاتے ہوئے تھک گئے – کیا آپ سب نے بنگلہ دیش سے سبق نہیں سیکھا؟ آپ رشتے کو مزید خراب کر رہے ہیں۔ خدا کے لیے عقل کے ناخن لیں پہلے ہی بہت دیر ہوچکی ہے مزید کی گنجائش نہیں۔ معاملہ اب ہمارے ہاتھ سے نکل چکا ہے۔بلوچوں کی نسل کشی کے خلاف مارچ سے متعلق بی این پی کاہنگامی اجلاس طلب کرلیاگیا جو کل رات اسلام آباد میں ہوا اس کی واضح مثال تھی کہ حکام بلوچستان کے حساس ترین مسئلے سے کس طرح نمٹنا چاہتے ہیں۔ طاقت کا استعمال اس طرح کی حرکتوں کو کبھی نہیں روکے گا، یہ اس میں مزید اضافہ کرے گا۔ یہ خاندان اپنے پیاروں کے لیے انصاف مانگ رہے ہیں، انارکی کا مطالبہ نہیں کر رہے ہیں۔ میں ہماری خواتین اور بچوں کے ساتھ حکام کے اس گھنانے سلوک کی مذمت کرتا ہوں اور ہر طرح سے کندھے سے کندھا ملا کر آواز اٹھاں گا۔ آج بلوچستان میں سب کو مل کر آواز اٹھانی چاہیے۔ یہ وقت اتحاد کا ہے۔