کوئٹہ سمیت بلوچستان کے مختلف علاقوں میں ہلکی بارش اور پہاڑوں پربرفباری کاسلسلہ جاری

کوئٹہ(ڈیلی گرین گوادر) کوئٹہ سمیت بلوچستان کے مختلف علاقوں میں ہلکی بارش اور پہاڑوں پربرفباری کاسلسلہ جاری رہا۔تفصیلات کے مطابق جمعرات کو کوئٹہ، مستونگ، ژوب، بارکھان، زیارت،چمن، پشین، سبی، ہرنائی، قلعہ سیف اللہ، قلعہ عبداللہ،مسلم باغ، قلات، خضدار، تربت،خاران، پنجگور، کیچ اور مکران کے ساحلی علاقوں میں بارش اور پہاڑوں پربرفباری کا سلسلہ جار ی رہا۔محکمہ موسمیات کے مطابق زیارت میں 6جبکہ کوئٹہ میں 1انچ تک برفباری ریکارڈ کی گئی جبکہ گوادر میں 25،جیوانی میں 21،قلات میں 15،مستونگ میں 14.5،تربت میں 11.4،مسلم باغ میں 10.2،کوئٹہ میں 10،پشین میں 9،چمن میں 7.5،پنجگور میں 5،،ژوب میں 5،زیارت میں 4اورلورالائی میں 0.8 ملی میٹر بارش ریکارڈکی گئی ہے۔محکمہ موسمیات کے مطابق جمعہ کو کوئٹہ، مستونگ، ژوب، بارکھان، زیارت،چمن، پشین، سبی، ہرنائی، قلعہ سیف اللہ، قلعہ عبداللہ اور مسلم باغ میں بارش اور پہاڑوں پربرفباری کا امکان ہے۔