بلوچستان پولیس کی 96 ویں پاسنگ آؤٹ پریڈ، پوزیشن ہولڈرز کو انعامات سے نوازا گیا

کوئٹہ(ڈیلی گرین گوادر) بلوچستان پولیس کی 96 ویں پاسنگ آؤٹ پریڈ کا انعقاد ہوا، جس میں پوزیشن ہولڈر اہل کاروں کو انعامات سے نوازا گیا۔573 ریکروٹس ایک سال کی پیشہ ورانہ تربیت مکمل کرکے بلوچستان پولیس کی پاسنگ آؤٹ پریڈ میں شامل ہوئے جب کہ مجموعی طور پر 978 ریکروٹس نے اپنی پیشہ ورانہ تربیت مکمل کر لی۔

ذرائع کے مطابق پی ٹی سی میں اے ٹی ایف کے 406 جوان 6 ماہ کی تربیت مکمل کر چکے ہیں۔ پاسنگ آؤٹ پریڈ میں 36 خواتین اہل کار بھی شامل ہیں۔ دوران تربیت نمایاں کارکردگی حاصل کرنے والے 8 پوزیشن ہولڈر اہل کاروں کو انعامات سے نوازاگیا۔