مردان: مسافر کوچ کو حادثہ، 17 افرادزخمی

مردان: موٹروے پر مسافر کوچ کو پیش آنے والے حادثے کے نتیجے میں 17 افراد زخمی ہو گئے ہیں۔ ریسکیو کے ذمہ دار ذرائع سے بتایا ہے کہ مردان میں ولی انٹر چینج کے قریب مسافر کوچ کو حادثہ پیش آیا ہے جس کے نتیجے میں وہ کھائی میں گر گئی ہے۔

ریسکیو ذرائع کے مطابق کھائی میں گرنے سے 17 مسافر زخمی ہوئے ہیں جنہیں طبی امداد کے لیے نزدیکی اسپتال منتقل کیا جا رہا ہے۔

حادثے کی ابتدائی وجہ مسافر کوچ کے ٹائر کا پھٹنا قرار دیا جا رہا ہے تاہم یہ بات حتمی طور پر نہیں کی کہی جا سکتی ہے۔
حادثے کی اطلاع ملتے ہی علاقہ پولیس، مقامی انتظامیہ اور ریسکیو کے اہلکار جائے حادثہ پر پہنچ گئے ہیں اور زخمیوں کو امداد فراہم کرنے کی کوشش کررہے ہیں۔