لاہور: سب انسپکٹر کو رات گئے گھر سے مبینہ طور پر اغوا

لاہورمیں انویسٹی گیشن پولیس کے سب انسپکٹر کو رات گئے گھر سے مبینہ طور پر اغوا کرلیا گیا ہے۔
پولیس کے مطابق سب انسپکٹر کے اغوا کا واقعہ تھانہ مناواں کی حدود میں پیش آیا۔ 2 گاڑیوں میں اغوا کار سب انسپکٹر کو اغوا کر کے لے گئے۔
حکام کا کہنا ہے کہ سب انسپکٹر تھانہ ہربنس پورہ میں انویسٹی گیشن ونگ میں تعینات تھے۔ سی سی پی او لاہور نے مغوی کی بازیابی کے لیے ٹیمیں تشکیل دے دیں۔
ترجمان لاہور پولیس کا کہنا ہے کہ مغوی کی بازیابی کے لیے کیمروں کی مدد لی جا رہی ہے۔ اغوا کی وجوہات کیلئے اہلخانہ سے بھی پوچھ گچھ جاری ہے۔