پاکستان کو چین سے ایک ارب ڈالرز کمرشل قرضہ مل گیا

اسلام آباد(ڈیلی گرین گوادر) پاکستان کو چین سے ایک ارب ڈالرز مل گئے ہیں ۔ ذرائع وزارت خزانہ کے مطابق چین کی طرف سے یہ ایک ارب ڈالر کمرشل قرضہ ہے۔پاکستان نے رواں ہفتے چین کو پیشگی ادائیگی کی تھی۔ چین میں تعینات پاکستانی سفیر معین الحق نے کہاہے کہ چین نے پاکستان سے بڑے گوشت کی درآمد کی اجازت دے دی ہے، جس سے ایکسپورٹرز 15ارب ڈالر کما سکتے ہیں۔پاکستانی سفیرمعین الحق نے بڑی خبر سناتے ہوئے بتایا کہ چین نے پاکستان سے بڑے گوشت کی درآمد کی اجازت دے دی ہے اور اس حوالے سے باضابطہ طور پر نوٹیفکیشن بھی جاری کردیا گیا ہے۔