میاں محمد شہباز شریف سے اسلام آباد میں نواب چنگیز مری کی ملاقات

اسلام آباد(ڈیلی گرین گوادر)وزیراعظم پاکستان میاں محمد شہباز شریف سے اسلام آباد میں مسلم لیگ(ن) کے رہنما ورکن بلوچستان اسمبلی نواب چنگیز مری نے ملاقات کی۔ ملاقات کے دوران دونوں رہنماؤں نے بلوچستان کی سیاسی و سیکورٹی صورتحال سمیت دیگر اہم امور پر تبادلہ خیال کیا ملاقات میں بلوچستان کے موجودہ حکومت کے مجموعی امور سمیت دیگر کئی امور پر بھی مشاورت کی گئی۔ وزیراعظم پاکستان کی جانب سے نواب مری کی سفارش پر کوہلو کیلئے مختلف ترقیاتی منصوبوں کی سمری منظور کرلی، وزیراعظم میاں شہباز شریف کی جانب سے کوہلو سمیت بلوچستان بھر کے عوام کیلئے فلاحی منصوبوں کے آغاز کا بھی اعادہ ظاہر کیا گیا، وزیراعظم نے بہت جلد کوئٹہ کا دورہ کرنے اور منتخب نمائندوں سے ملاقات کرنے کا اعلان کیا۔