پنجگور، ٹو ڈی کار سنگھو ہوٹل کے قریب الٹ گئی کمسن بچہ جاں بحق 7 افراد زخمی

وندر(ڈیلی گرین گوادر)پنجگور جانے والی ٹو ڈی کار سنگھو ہوٹل کے قریب الٹ گئی 7 سالہ کمسن بچہ جاں بحق 7 افراد زخمی ہوگئے، تفصیلات کے مطابق گزشتہ روز سونمیانی وندر کے علاقے سنگھو ہوٹل کے قریب مین آر سی ڈی ہائی وے پر کراچی سے پنجگور کی جانب جانے والی تیزرفتار ٹوڈی کار ٹائر برسٹ ہونے کے باعث ڈرائیور سے بے قابو ہو کر الٹ گئی جس کے باعث کار میں سوار ایک ہی فیملی سے تعلق رکھنے والے 8 افراد زخمی ہو گئے زخمیوں میں زیادہ تر چھوٹے بچے شامل ہیں زخمی بچوں میں سے 7 سالہ جمشید ولد نیاز جائے حادثہ پر ہی زخموں کی تاب نہ لاتے ہوئے چل بسا جبکہ اس کے والد نیاز ولد ایاز خدیجہ زوجہ نیاز جہانزیب شاہ زیب ولدیت نیاز نمرہ عائشہ اقرا بنت نیاز زخمی ہو گئے جن کو ریسکیو 1122 سینٹر وندر کے عملے نے ریسکیو 1122 کی ایمبولینس میں وندر ریسکیو سینٹر پہنچا کر ان کو طبی امداد کی فراہمی کے بعد کراچی ریفر کر دیا۔