نو شکی، سیکورٹی فورسز کی چیک پوسٹ پر دستی بم حملہ،2 اہلکار زخمی
نوشکی(ڈیلی گرین گوادر) نو شکی میں سیکورٹی فورسز کی چیک پوسٹ پر دستی بم حملہ دو اہلکار زخمی ہو گئے۔ سیکورٹی فورسز حکام کے مطابق اتوار اور پیر کی درمیانی شب کوئٹہ تفتان روڈ پر واقع نوشکی ایف سی کی چیک پوسٹ پر نامعلوم موٹر سائیکل سوار وں نے دستی بم پھینکا جو زور دار دھماکے سے پھٹ گیا۔ دھماکے کے نتیجے میں دو سیکوٹی اہلکار زخمی ہوگئے، سیکورٹی فورسز کی جوابی فائرنگ کے نتیجے میں ملزمان فرار ہونے میں کامیاب ہو گئے۔ واقعے کی اطلاع ملتے ہی سیکورٹی فورسز کی بھا ری نفری نے جائے وقوعہ پہنچ کر علا قے کو گھیرے میں لیکر شواہد اکھٹے کر لئے۔ سیکورٹی فورسز نے زخمیوں کو فوری طوپر طبی امداد کے لئے ہسپتال منتقل کر کے ملزمان کی تلاش شروع کر دی۔
