جبری گمشدگیوں کا معاملہ ختم کیا جائے،سینیٹر طاہر بزنجو

اسلام آباد(ڈیلی گرین گوادر)پیر کو سینیٹ کا اجلاس چیئرمین صادق سنجرانی کی صدارت میں ہوا ہے جس میں نیشنل پارٹی کے رہنما سینیٹر طاہر بزنجو عوامی اہمیت کے نکتے پر اظہار خیال کرتے ہوئے کہا کہ میں نے دو روز قبل رشیدہ زہری نامی خاتون کو اٹھائے جانے کا معاملہ ایوان میں اٹھایا تھا اب ایک اور خبر آئی ہے کہ مہربلوچ نامی خاتون کو اٹھا لیا گیا ہے اور بتایا گیا ہے کہ اسے سیٹلائٹ ٹاؤن میں پارک کے قریب سے اٹھایا گیا ہے اور کہا گیا ہے کہ اس کے پاس بارودی جیکٹ تھی ۔

طاہر بزنجو کے مطابق اس خاتون کے گھر والوں کا کہنا ہے کہ اسے سیٹلائٹ ٹاؤن میں ان کے گھر سے زبردستی اٹھایا گیا ہے،اگر مہربلوچ نے جرم کیا ہے تو اسے عدالت میں لایا جائے ورنہ اسے رہا کیا جائے ۔ ایک بار پھر ذمہ داران سے مطالبہ کرتا ہوں جبری گمشدگیوں کا معاملہ ختم کیا جائے ۔