مستونگ، قتل کی لرزہ خیز واردات، میاں بیوی قتل
مستونگ(ڈیلی گرین گوادر)مستونگ کے نواحی علاقے کلی کونگڑھ میں قتل کی لرزہ خیز واردات، مسلح افراد میاں بیوی کو قتل کرکے فرارہوگئے تفصیلات کے مطابق جمعہ اور ہفتہ کی درمیانی شب مسلح افراد نے کلی کونگڑھ میں رہائش پذیر سندھ کے علاقہ شہید بے نظیر آباد علاقے کے رہائشی میاں بیوی کو گھر میں گردن پر تیز دہار آلے کے وار کر کے قتل کردیا اور موقع واردات سے فرار ہوگئے پولیس کے مطابق مقتولین نے چند سال قبل پسند کی شادی کی تھی واقعہ کی اطلاع ملنے پر ایس ایچ او سٹی تھانہ محمد یونس محمد شہی پولیس کے بھاری نفری کے ہمراہ موقع پر پہنچ کر لاشوں کو ڈی ایچ کیو ہسپتال منتقل کردیا، مقتولین کے دو بیٹیاں اور ایک بیٹا ہے،مقتولین کی شناخت ندیم اور مسماۃ (ز) سے ہوئی ہے سٹی پولیس نے ملزمان کی تلاش شروع کردی مزید تحقیقات جاری ہیں
