حب،سٹی تھانہ کے مین گیٹ پر کریکر بم دھماکا

حب(ڈیلی گرین گوادر) حب کے سٹی تھانہ کے مین گیٹ پر آج صبح ایک کریکر دھماکا ہوا۔ پولیس کے مطابق دھماکے کے نتیجے میں کوئی جانی نقصان نہیں ہوا، تاہم دھماکے سے تھانہ کی عمارت کو معمولی نقصان پہنچا ہے۔پولیس نے فوری طور پر موقع پر پہنچ کر علاقے کو سیل کر دیا اور دھماکے کی تحقیقات کا آغاز کر دیا ہے۔ سیکیورٹی فورسز اور پولیس کی ٹیمیں اس واقعے کے حوالے سے مختلف پہلوں پر تحقیقات کر رہی ہیں تاکہ ملزمان تک پہنچا جا سکے۔پولیس حکام نے کہا ہے کہ اس دھماکے کے پس پردہ مقصد کا پتہ لگایا جا رہا ہے اور سٹی تھانہ میں واقعہ کے وقت موجود اہلکاروں سے بھی معلومات حاصل کی جا رہی ہیں۔علاقے میں سیکیورٹی کو مزید سخت کر دیا گیا ہے اور عوام سے درخواست کی گئی ہے کہ وہ کسی بھی مشکوک سرگرمی کی اطلاع فورا پولیس کو دیں۔یہ واقعہ حب میں بڑھتی ہوئی سیکیورٹی تشویش کا غماز ہے، تاہم خوش قسمتی سے کسی قسم کا جانی نقصان نہیں ہوا۔