تحریک انصاف والے نہیں چاہتے عمران خان جیل سے باہر آئیں،ایمل ولی خان

چارسدہ (ڈیلی گرین گوادر)عوامی نیشنل پارٹی کے صدر سینیٹر ایمل ولی خان کا کہنا ہے کہ تحریک انصاف والے نہیں چاہتےبانی پی ٹی آئی جیل سے باہر آئیں۔چارسدہ میں پریس کانفرنس کرتے ہوئے انہوں نے کہا علی امین گنڈا پور ریاست کو ریاست سے لڑا رہاہے،کیا وزیراعلیٰ علی امین کو پاراچنار کی صورتحال نظرنہیں آرہی ہے؟

تحریک انصاف والے کارکنوں کو اقتدار کیلئے استعمال کررہےہیں،پی ٹی آئی قیادت نے ہمیشہ کارکنوں کو مشکل وقت میں بےیارو مددگار چھوڑا ہے۔
کرسی کے لالچ میں انسانوں کی زندگی کے ساتھ کھیلا جارہا ہے ،رہنما ورکرز کو گرم میدان میں چھوڑ کر بھاگ جاتے ہیں ،کسی ایم این اے ،ایم پی اے کو ڈنڈے نہیں پڑے ،ورکرز نے مار کھائی۔

کرم میں گاؤں خالی کرکےلوگ کھلے آسمان تلے پڑے ہیں،پی ٹی آئی سے کہتا ہوں آپ کو گزشتہ 12 سال حکومت تحفے میں دی گئی،پاکستان سب سے پہلے ہے۔جب آپ قانون ہاتھ میں لیتے ہیں تو کارروائی تو ہوگی،گورنر راج اس صوبے کے مسئلے کا حل نہیں ،اسلام آباد کااحتجاج بانی پی ٹی آئی کو پھنسانے کیلئے تھا۔سرکاری وسائل کے استعمال کے خلاف عدالت سے رجوع کرونگا۔