وزیراعلیٰ بلوچستان کا سینئر وکیل سابق صدر سپریم کورٹ بار لطیف آفریدی کے فائرنگ واقعہ میں جاں بحق ہونے کی مذمت

کوئٹہ(ڈیلی گرین گوادر)وزیراعلی بلوچستان میر عبدالقدوس بزنجو کی سینئر وکیل سابق صدر سپریم کورٹ بار لطیف آفریدی پر پشاور میں فائرنگ کے واقعہ میں جانبحق ہونے پر دکھ اور افسو س کا اظہار کرتے ہوئے کہا ہے کہ لطیف آفریدی ایک نامور قانون دان اور انسانی حقوق کے علمبردار تھے مرحوم نے تمام عمر آئین و قانون کی سربلندی کے لےٗ کام کیا۔وزیراعلی نے مرحوم کی خدمات کو خراج تحسین پیش کرتے ہوئے مرحوم کے خاندان اور وکلاء برادری سے اظہار تعزیت و ہمدردی کیا۔