اقتدار میں آکر سب سے پہلے عوام کی بنیادی سہولیات کیلئے تگ و دو کریں گے، مولانا عبدالواسع

کوئٹہ(ڈیلی گرین گوادر) جمعیت علماء اسلام بلوچستان کے صوبائی امیر مولانا عبدالواسع نے کہا کہ مہنگی بجلی اور گیس نے عوام کا جینا حرام کیا ہے اقتدار میں آکر سب سے پہلے عوام کی بنیادی سہولیات کیلئے تگ و دو کریں گے عوام کو جمعیت علماء اسلام ہی سے امیدیں ہیں جس طرح جمعیت علماء اسلام نے ماضی میں عوام کامقدمہ لڑا اب بھی ہر فورم پر عوام کا مقدمہ لیکرمیدان عمل میں ن ہے۔پچھلے صوبائی حکومت نے عوام کو کوئی منصوبہ دیا اور نہ ہی عوام کی فلاح و بہبود کیلئے کوئی خاطرخواء کام کیا عوام سے انکو کوئی سروکار ہی نہیں رہا۔سرکاری ملازمین کو زہنی طور پر مفلوج کیا اب تک ملازمین ہڑتالوں پر ہے لیکن انکی شینوائی نہیں ہوئی ہے جسکی وجہ سے وہ پریشان حال ہیں ان سب مسائل کا حل صرف جمعیت علماء اسلام کے پاس ہے ہم عوام کو دلدل سے نکال کر ہی چین سے بیٹھے گے دوسری جانب ملک بھر میں گیس پریشر کے باعث لوگوں کو سخت مشکلات کا سامنا کرنا پڑ رہاہے۔بلوچستان میں سردی کی شدت میں اضافے کیساتھ گیس کی پریشر میں کمی نے عوام کو شدید پریشانی میں مبتلا کردیا ہے۔ دسمبر کے مہینے میں بلوچستان کے مختلف علاقوں میں درجہ حرارت نقطہ انجماد سے نیچے آگئی جس کے سبب گھروں کو گرم رکھنے کے لئے گیس کی ضرورت زیادہ ہوتی ہے تاہم اس وقت بلوچستان کے سرد ترین مقامات وادی زیارت، کوئٹہ۔ قلات ودیگر علاقے گیس کی بدترین بحران سے دوچار ہے۔