امریکا، زہریلی مادہ لے جانے والا ٹرک الٹ گیا، 5 افراد ہلاک، 5 زخمی

الینوائے(ڈیلی گرین گوادر) امریکی ریاست الینوائے میں زہریلا مواد امونیا لے جانے والا ٹرک دوسرے ٹرک سے ٹکرا کر الٹ گیا جس سے 7 ہزار 500 گیلن امونیا مائع سڑک پر بہہ گیا۔ عالمی خبر رساں ادارے کے مطابق دو ٹرکوں کے درمیان تصادم میں دو بچوں سمیت 5 افراد ہلاک اور 5 شدید زخمی ہوگئے۔ ہلاک ہونے والوں میں 3 افراد کا تعلق ایک ہی خاندان سے تھا۔شاہراہ پر زہریلی امونیا کے بہہ جانے سے ہوا میں بھی کچھ ذرات شامل ہوگئے۔ لوگوں کی آنکھوں، گلے اور پھیپھڑوں کو نقصان پہنچا کس کے باعث انھیں سانس لینے میں دشواری کا سامنا کرنا پڑا۔آبادی کے کئی افراد کو ان علامتوں کے ظاہر ہونے پر اسپتال منتقل کیا گیا ٹرک حادثے میں زخمی ہونے والوں میں سے 3 کی حالت تشویشناک بتائی جا رہی ہے۔ پولیس نے حادثے کے بعد جائے وقوعہ کا گھیراؤ کرلیا۔جس کے باعث ہائی وے کی نزدیکی آبادی سے 600 کے قریب افراد کو محفوظ مقام پر منتقل کیا گیا۔حکومت کی جانب سے واقعے کی تحقیقات کے لیے انکوائری کمیٹی تشکیل دیدی گئی۔