بطور نگران وزیراعظم ذمہ داریاں احسن طریقے سے انجام دوں گا، انوارالحق کاکڑ

بطور نگران وزیراعظم ذمہ داریاں احسن طریقے سے انجام دوں گا، انوارالحق کاکڑاسلام آباد (ڈیلی گرین گوادر) نگران وزیراعظم نامزد ہونے کے بعد انوار الحق کاکڑ نے کہا ہے کہ بطور نگران وزیراعظم ذمہ داریاں احسن طریقے سے انجام دوں گا۔

انوار الحق کاکڑنے نگران وزیراعظم نامزد کرنے پر صدر پاکستان مسلم لیگ (ن) شہبازشریف اور قائد حزب اختلاف راجہ ریاض احمد خان کا شکریہ ادا کیا ہے، مجھے جو ذمہ داری سونپی گئی ہے انشااللہ اس کواحسن طریقے سے انجام دوں گا۔

علاوہ ازیں انوار الحق کاکڑ کو وزیراعظم کی سیکیورٹی دے دی گئی ہے، وزیراعظم کا سیکیورٹی اسٹاف بلٹ پروف گاڑیوں کے ہمراہ نگران وزیراعظم کی رہائشگاہ پہنچ گیا ہےخیال رہے کہ صدر مملکت عارف علوی نے وزیراعظم اور اپوزیشن لیڈر کی جانب سے بھجوائی جانے والی نگران وزیراعظم کی سمری پر دستخط کر دیئے ہیں اور تعیناتی کی منظوری آئین کے آرٹیکل 224 ایک اے کے تحت دے دی ہے۔