کوئٹہ سمیت بلو چستان کے مختلف اضلاع میں مو سم شدید گرم اور مرطوب رہا

کوئٹہ(ڈیلی گرین گوادر) کوئٹہ سمیت بلو چستان کے مختلف اضلاع میں مو سم شدید گرم اور مرطوب رہا۔محکمہ موسمیات کے مطابق جمعرات کو تربت،کوئٹہ،نوکنڈی،دالبندین،سبی، قلعہ سیف اللہ،لورالائی،ژوب، بارکھان،پنجگور میں موسم شدید گرم اور مرطوب رہنے کے ساتھ بجلی کی غیر اعلانیہ لوڈ شیڈنگ نے شہریوں کی مشکلات میں اضا فہ کر دیا ہے۔محکمہ موسمیات کے مطابق نوکنڈی میں 49، دالبندین میں 48 اورسبی میں 46ڈگری سینٹی گریڈریکارڈ کیا گیا۔محکمہ موسمیات نے 26جون سے 29جون کے دوران بار کھان، لورالائی، سبی، نصیر آباد، قلات، خضدار، ژوب، زیارت، مو سیٰ خیل میں گرج چمک کے ساتھ بارش کا امکان ظاہر کیا ہے۔