اینٹی نارکوٹکس فورس کی کارر وائی بھاری مقدار میں منشیات برآمد 7 ملزمان کو گرفتار کرلیا

کوئٹہ(ڈیلی گرین گوادر)اینٹی نارکوٹکس فورس پاکستان نے بلوچستان میں مختلف کارروائیوں کے دوران بھاری مقدار میں منشیات برآمد کرکے 7ملزمان اور دوگاڑیاں قبضے میں لے لیں۔اینٹی نارکوٹکس فورس کے ترجمان کے مطابق اے این ایف نے بلوچستان کے مختلف علاقوں میں 8کارروائیوں کے دوران 7ملزمان کو گرفتار کرکے 785.346کلوگرام منشیات برآمد کر لی اور 2گاڑیاں قبضے میں لیں۔ترجمان کے مطابق برآمدہ منشیات میں 733.07 کلوچرس،52.200کلو میتھ ایمفیٹامائن (آئس)،155عدد ایکسٹیسی گولیاں (0.076 کلو)،824 لیٹرممنوعہ کیمیکل اور 46.560 کلو بھنگ کے بیج شامل ہیں۔اے این ایف نے گرفتار ملزمان کے خلاف مقدمہ درج کرکے مزید کارروائی شروع کردی۔