ژوب، فائرنگ سے ایف سی کا جوان شہید، دو زخمی
کوئٹہ: بلوچستان کے ضلع ژوب میں پاک افغان بارڈر پر سیکورٹی فورسز کی بارڈر پوسٹ پر دہشتگردوں کی فائرنگ سے ایف سی کا جوان شہید جبکہ دو زخمی ہوگئے،آئی ایس پی آ ر کے مطابق منگل کو ژوب کے علاقے منزکی میں پاک افغان سرحد پر واقعہ سیکورٹی فورسز کی پوسٹ پر سرحد پار سے دہشتگردوں نے فائرنگ کردی جس کے نتیجے میں ایف سی کا 22سالہ نائیک فخر عباس شہید جبکہ دو اہلکار زخمی ہوگئے، آئی ایس پی آر کے مطابق پاکستان نے سرحد پار سے ہونے والے دہشتگردی کے واقعات کی روک تھام اور موثر بارڈر مینجمنٹ کا مسئلہ مسلسل افغان حکام کے ساتھ اٹھایا ہے
