کولورس عثمان پاکستان پہنچ گئے

کراچی (ڈیلی گرین گوادر) ترکیہ کے ڈرامہ کولورس عثمان سے پاکستان میں شہرت کی بلندیوں کو چھونے والے اداکار براق اوزجوت پاکستان کے دورہ پر پہنچ چکے ہیں۔انہوں نے پاکستانیوں کی مہمان نوازی پر ان کا تہہ دل سے شکریہ ادا کیا ہے کراچی میں پریس کانفرنس کرتے ہوئے براق اوزجوت نے کہا کہ میں سب کا شکر گزار جنہوں نے مجھے پاکستان مدعو کیا۔ کولورس عثمان کا پانچواں سیزن تیار ہے، جو پاکستان میں پسند کیا جانے والا سیریل ہے۔ پاکستانی عوام سے ملنے والی محبت ان کا شکریہ ادا کرتا ہوں۔

براق اوزجوت نے کہا کہ انشاءاللّہ مستقبل میں بھی پاکستان آتا رہوں گا۔ میں ایک اداکار ہوں اور کورلوس عثمان کا کردار نبھانا آسان نہیں تھا۔ اس کاپانچواں سیزن شروع ہونے والا ہے۔ مجھے پاکستان آکر ہمیشہ خوشی محسوس ہوتی ہے۔

ترکش اداکار نے کہا کہپاکستان اور ترکیہ تعلقات ہمیشہ سے اچھے رہے ہیں۔ اس لیے میں پاکستان کی خوبصورتی دیکھنے آیا ہوں۔ میں چاہتا ہوں پاکستانی فلم انڈسٹری میں کام کروں۔