پشاور (ڈیلی گرین گوادر) پشاور میں مبینہ پولیس مقابلے کے دوران اشتہاری ملزم ہلاک ہو گیا جبکہ پولیس کی جوابی فائرنگ میں 2 مبینہ حملہ آور بھی مارے گئے، واقعے میں 2 ایس ایچ اوز زخمی ہوئے۔ تفصیلات کے مطابق اشتہاری ملزم ممتاز کو انٹرپول کے ذریعے بحرین سے پاکستان لایا گیا تھا، ملزم کی گرفتاری کے لیے پشاور پولیس نے بحرین پولیس سے رابطہ کیا جس پر پشاور پولیس کی درخواست پر بحرین پولیس نے جون میں ملزم کو حراست میں لیا تھا۔پولیس نے بتایا کہ ملزم ممتاز کو گزشتہ رات بحرین سے پشاور منتقل کیا گیا، منتقلی کے دوران ناردرن بائی پاس پر نامعلوم ملزمان نے پولیس پر فائرنگ کر دی۔فائرنگ کے دوران ملزم ممتاز ہلاک ہو گیا جبکہ پولیس کی جوابی فائرنگ سے 2 حملہ آور بھی مارے گئے، واقعے میں 2 ایس ایچ اوز بھی زخمی ہوئے۔ فائرنگ مبینہ طور پر ملزم ممتاز کے مخالفین نے کی تھی، ملزم ممتاز کے خلاف بھتہ خوری، قتل، قبضہ مافیا اور دہشت گردی کی 40 ایف آئی آرز درج تھیں۔
بحرین سے لایاگیا ملزم ممتاز عرف ممتازے ماراگیا

ٹیگز:
بحرین
