نوابشاہ، 3 سالہ بچہ گٹر میں گر کر جاں بحق

نوابشاہ(ڈیلی گرین گوادر) صوبہ سندھ کے شہر نوابشاہ میں 3 سال کا بچہ گٹر میں گر کر جاں بحق ہو گیا۔3 سالہ بچے کے کھلے گٹر میں گر کر جاں بحق ہونے کا واقعہ نوابشاہ کی خاصخیلی کالونی میں پیش آیا، جاں بحق بچے کے والد کا کہنا ہے کہ ان کا 3 سالہ بچہ ابو جان کافی دیر تک نظر نہ آیا تو تلاش شروع کی جس پر معلوم ہوا کہ ابوجان کھلے گٹر میں پڑا ہوا ہے۔بچے کے ورثا اور اہل علاقہ نے افسوسناک واقعے کے خلاف بچے کی لاش سانگھڑ روڈ پر رکھ کر شدید احتجاج کیا۔ بچے کی کھلے گٹر میں گر کر موت میونسپل کمیٹی اور ٹاؤن کمیٹی کی نااہلی کا منہ بولتا ثبوت ہے، مظاہرین نے بچے کی ہلاکت پر میونسپل کارپوریشن اور انتظامیہ کے خلاف مقدمہ درج کرنے کا مطالبہ بھی کیا۔