واجبات کی عدم ادائیگی،کیسکو نے سینٹرل جیل مچھ کی بجلی کاٹ دی

کوئٹہ (ڈیلی گرین گوادر) بلوچستان کی سب سے بڑی جیل سنٹرل جیل مچھ کی بجلی کیسکو نے تین کروڑ روپے کے واجبات پر کاٹ دی گئی، بجلی منقطع کئے جانے سے اہم جیل کے سیکورٹی خدشات بڑھ گئے ہیں مچ جیل حکام نے بتایاکہ مچ جیل میں 750 قیدی پابند سلال ہیں، جن میں سزائے موت کے 73قیدی پھانسی کے منتظر ہیں، جبکہ 100 سے زائد ہائی پروفائل ملزمان بھی جیل میں قید ہیں، جیل حکام کے مطابق بجلی کے بلوں کی مد میں مچ جیل پر تین کروڑ روپے کے واجبات ہیں اس ضمن میں آئی جی جیل بلوچستان ملک شجاع الدین کاسی نے بتایا کہ بجلی کی بجلی کاٹنے سے جیل میں سیکورٹی خدشات بڑھ گئے ہیں،ہم نے کیسکو حکام کو15 روز میں واجبات کی ادائیگی کی یقین دھانی کرائی تھی، لیکن یقین دہانی کے باوجود حساس جیل کی بجلی کاٹی گئی ہے۔